Нисимковичи: взгляд через столетия

6 красавіка ў Чачэрску ў шосты раз адбылося свята беларускай музыкі з удзелам Нацыянальнага акадэмічнага канцэртнага аркестра Беларусі пад кіраўніцтвам народнага артыста нашай краіны прафесара Міхаіла Фінберга.

На працягу дня прайшло тры канцэрты, заключным быў канцэрт папулярнай эстраднай песні  "З павагай да Чачэрску" з удзелам творчых калектываў аркестра.

Маэстра Міхаіл Фінберг правеў прэс-канферэнцыю і творчую сустрэчу з жыхарамі горада. Размова ішла аб гісторыі і развіцці беларускай музыкі, аб культурнай спадчыне, аб пошуку маладых талентаў у  музычным мастацтве, аб  значнасці правядзення такіх фестываляў  у раённых цэнтрах.

Свята  беларускай музыкі ў Чачэрску прайшло  ў рамках рэспубліканскай грамадска-культурнай акцыі  "Беларусь у маім сэрцы". У гэтым годзе на тэрыторыі вобласці  ў рамках акцыі ўжо паспяхова прайшлі канцэрты з удзелам артыстаў вобласці і рэспублікі  ў Мазыры, Добрушы  і Лельчыцах.