Ветэран вайны, франтавік Сяргей Фядосавіч Ганчароў, што жыве ў вёсцы Валосавічы Чачэрскага раёна кажа, што ў гады вайны было не да Троіцы. І на акупаванай тэрыторыі яго радзімы, і тым больш у салдацкіх акопах на перадавой. Мала хто з тых салдат-пераможцаў лічыў дні, праведзеные пад бамбёжкамі і кулямі , бо кожны з іх мог стаць апошнім. А ўжо ведаць пра рэлігійныя святы і адзначаць іх... Разам з тым, вера ў Бога і ў Cвятую Троіцу вяла да перамог. Сяргей Фядосавіч штурмаваў Кенігсберг, браў Берлін, дзень Перамогі сустрэў ў Брандэнбургу. І, нягледзячы ні на што, вярнуўся дахаты жывым. Сустрэць сваю 88-ю Троіцу валосавіцкаму ветэрану дапамагае дачка Тамара, у якой клапаты не толькі пра дабрабыт і здароўе бацькі, але і пра святы — рэлігійныя, дзяржаўныя. — Калі людзі святкуюць Троіцу — значыць, на зямлі пануе мір, — гаворыць апошні валосавіцкі ветэран-пераможац. За гэты мір некалі змагаліся і пралівалі сваю кроў дваццацігадовыя, як Сяргей Ганчароў, юнакі.
|