У мінулыя выхадныя ў Мсціслаў прыехалі больш за 350 аматараў сярэднявечча з розных куткоў Беларусі, а таксама Расіі, Украіны, Эстоніі. Рыцарскі фэст у старажытным беларускім гарадку з багатай гісторыяй праходзіць ужо ў пяты раз. У гледачоў была добрая магчымасць перанесціся ў сапраўдную даўніну. Галоўныя падзеі свята разгарнуліся ля Замкавай гары, дзе ўстаноўлены вялізны камень у памяць аб пачынальніку роду князёў Мсціслаўскіх, героі Грунвальдскай бітвы Сямёне Лугвене Альгердавічы. Першае ўпамінанне аб Мсціслаўлi ў летапісах адбылося ў 1136 годзе. І бугурты, якія дэманстраваліся рыцарскімі клубамі, пераносілі гледачоў у часы, калі Мсціслаў мужна абараняў свой горад ад ворагаў. Праграма свята была вельмі цікавай. Яркія прадстаўленні прадэманстравалі рыцары з коннага клуба “Залатая шпора”. Праводзіліся турніры мечнікаў, змагаліся лучнікі. Як вядома, надвор’е не садейнічала ўдзельнікам рыцарскіх баёў: было больш як 30 градусаў, а даспехі важаць больш за 50 кілаграмаў. Спякота стаяла ўсюды: на полі палілі гарматы, якія прывёз з Гомеля гiстарычны клуб «Старая вежа». На фэсце выступілі гурты «Тутэйшыя», «Фламмея», «Хорціца», «Яварына» ды іншыя. Зразумела ж, быў і «Стары Ольса», без яго ўдзелу цяжка ўявіць сабе рыцарскі фэст.
|